Trabe ta d’estrena: nueva tienda electrónica

Ediciones Trabe incorpora a la so páxina web una nueva tienda electrónica, moderna y funcional, onde pues mercar llibros y discos de manera fácil, cómoda y rápida. Amás, ye de sorrallar que les coraes d’esta tienda, ye dicir la plataforma PrestaShop que la desenrolla y que te permite navegar y mercar lo que t’apeteza, mándase per primer vez del asturianu a la de guiate nel procesu de compra. Pa ello foi necesario un llabor bien grande de tol equipu, tanto de la empresa de consultoría tecnolóxica Planb e-commerce como d’Ediciones Trabe.

D’esta manera, amás de facer más fácil la compra, contribuimos a esparder l’asturianu pela rede y a la so visibilización.

Nun ye necesario dicir que también ta en castellanu, yá que guarda’l formatu billingüe del que se manda tola nueva páxina web d’Ediciones Trabe.