La Llibrería Trabe inauguróse’l 17 de mayu del 2019 na cai Fernando Alonso, 17 baxu, d’Uviéu. Especializada nel llibru n’asturianu y d’Asturies, caltién la mesma filosofía de l’antigua Llibrería Asturiana, que tuvo abierta al públicu ente los años 2001 y 2010: da-y visibilidá a la lliteratura escrita n’asturianu y facilitar la so compra.
Amás, la Llibrería Trabe quier ser espaciu d’alcuentru, de reflexión y debate sobro lliteratura y asturianismu, pero tamién sobro cualesquier tema qu’esmoleza anguaño al ser humanu.
Llibrería Trabe: vocación de serviciu públicu.
Llibrería Trabe: C/ Fernando Alonso 17, baxu derecha – 33009 Uviéu (Asturies). Tlf.: 985 208 206 / 684 626 445. llibreria@trabe.org
