Ediciones Trabe pon otra vuelta llibrería, esta vez na cai Fernando Alonso, 17 – Baxu derecha d’Uviéu.

Depués d’años de crisis y resistencia, Ediciones Trabe reabre la so llibrería, especializada en lliteratura asturiana, d’Asturies y sobre Asturies.

Préstanos enforma davos esta noticia y dar al mundu del llibru asturianu y a la sociedá asturiana en xeneral una allegría y una nota d’optimismu: ye posible vivir y trabayar n’Asturies y n’asturianu, ensin aspavientos, pasín a pasu, col llabor diariu y con esperanza, con enfotu.