El domingu 13 d’ochobre de 2019 Ediciones Trabe va tar, otra vegada, nel «VII Día de la Reciella». Un día d’ociu infantil n’asturianu pa tola familia y pa tola xente que quiera averase al Muséu del Pueblu d’Asturies de Xixón. Conciertos, gastronomía, ecoloxía, talleres, lliteratura, xuegos, baille, comida, bébora… y la IV carrera familiar pol asturianau «Entaína». ¡Vémonos a partir de les 16:00 nel mercadín de lliteratura y música que va tar nel prau central!