Redacción y corrección de testos

correccionbanner

Déanos una idea y nós ponémos-yla per escrito d’una manera cenciella y clara

Si usté necesita un artículu pal blogue o mesmo pa integrar nuna revista, un testu pa la web, facer una nota de prensa pa mandar a los medios, o conteníu pa un llibru, nós redactámos-ylu al so gustu, siguiendo les sos directrices, poniendo nél tol procuru tanto na redacción como na corrección posterior, de manera que-y llegue claru y llimpiu.

Cola corrección que-y vamos facer, el so escritu va tener un acabáu perfechu

Si usté yá tien el testu escritu pero quier que dalguién profesional-y lu revise, llámenos. Nós facémos-y una corrección completa, qu’inclúi la ortotipográfica (subsanación d’errores d’ortografía y tipográficos, amás de revisa-y l’usu de los signos de puntuación, l’emplegu correctu de la tilde o l’adecuación sintáctica) y d’estilu, enfotándonos en devolve-y un textu ensin fallos na concordancia, por exemplu ente suxetu y verbu o ente tiempos verbales, amás de dexá-ylu llimpiu de repeticiones non necesaries, de laísmos, dequeísmos o leísmos y d’otros malos vezos qu’arrecostinamos a la d’escribir.