Comentariu editorial

Un vieyu actor ta solu en mitá d’un escenariu, declamando’l so penosu monólogu pa naide. ¿Quién ye? ¿Qué-y debe la vida? ¿Qué sentíu tuvo entregalo too por esa vocación de convertise cada nueche n’otra persona? ¿Qué-y queda depués de tantu fracasu y tantes renuncies? Una obra d’enorme intensidá emocional, sombría y nihilista, inspirada en testos d’Antón Chéjov y con tola fuerza de les grandes traxedies clásiques. L’autor, miembru del grupu de teatru Telón de Fondo, tien actuao per toa Europa y trabayó como actor en distintes películes, curtios y vidios musicales.

Lluis Antón González Fernández (Baiña, Mieres, 1955). Miembru del grupu de teatru Telón de Fondo, col que participó como actor en numberosos montaxes. Recorrió cola compañía, amás los principales teatros del país, ciudades como Madrid, Lisboa, Lieja y Bruxelles. Dirixió en 1987 el primer Seminariu de Teatru Asturianu organizáu pol ITAE, amás de les obres Aurelia de Ramón Lluis Bande y Una hora ensin televisión de Jaime Salom. Adaptador de les obres Equí nun paga naide de Dario Fo, Squash d'Ernesto Caballero y L'ensalmador d'Antón de Marirreguera.